Lajme
Koncerni zviceran, Nestle, i 14-ti në botë dhe i pari në Evropë
Me vlerën e tij që në bursë llogaritet të jetë rreth 300 miliardë dollarë, koncerni Nestle, me seli në Vevey të Kantonit Vaud është ndërmarrja më e shtrenjtë në gjithë Evropën
Koncerni i madh zviceran, më i madhi i industrisë ushqimore në botë, Nestle, radhitet në vendin e 14-të në ranglistën e kompanive me vlerë më të madhe në botë. Brenda gjashtë muajve, Nestle ka ngjitur dy vende në këtë radhitje, shkruan srf.ch.
Ranglistën e ka përpiluar ndërmarrja për konsultime dhe vlerësime, EY. Ajo në këtë listë ka bërë krahasimin e 100 ndërmarrjeve më me vlerë në botë, të kuotuara në bursa.
Me vlerën e tij që në bursë llogaritet të jetë rreth 300 miliardë dollarë, koncerni Nestle, me seli në Vevey të Kantonit Vaud, është ndërmarrja më e shtrenjtë në gjithë Evropën.
Edhe dy koncerne të tjera zvicerane përveç Nestle-s janë radhitur në këtë listë, përcjell albinfo.ch. Fjala është për kompanitë farmaceutike Roche dhe Novartis, të dyja nga Bazeli. Roche është në vendin 24-t, ndërsa Novartis në të 36-in.
Ndërsa vendin e parë për nga vlera e saj është kompania Microsoft që vlen diçka më shumë se një mijë miliardë dollarë. Pas saj vjen Amazon me 937 miliardë dhe Apple me 919 miliardë dollarë, koncerne amerikane.
Në Top 10 të listës, 8 kompani janë nga SHBA, ndërsa 6 prej tyre vijnë nga dega e teknologjisë, transmeton albinfo.ch. Vetëm dy nga 10 vendet e para i zënë kompanitë jashtë SHBA-së. Bëhet fjalë për dy koncernet kineze: Alibaba dhe Temcent.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm