“Za Fest”, aty ku muzika dhe natyra bëhen bashkë në Thethin magjik

Festivali “Za Fest” që i kushtohet trashëgimisë së Alpeve Shqiptare, këtë vit do të mbahet më datat 2, 3 dhe 4 gusht në Theth, përcjell albinfo.ch.

Si edhe herave të tjera, festivali pritet të sjellë muzikë e rrëfenja nën hijen e malit.

Artistë shqiptarë dhe të huaj, do të kujdesen që pjesëmarrësve t’u ofrojnë tri netë të paharruara.

Në këtë edicion, do të marrin pjesë Elina Duni, Piers Faccini, Vlashent Sata, Arben Bajraktaraj, Bob Berkey, Agona Shporta dhe Don’t listen to your Neighbors.

“Gjithashtu aktivitete të tjera si hiking, joga, panair kulinarie, kinema verore, art session, tregime & legjenda dhe biseda e hapur “Logu i Zâ Fest” ju presin në tre ditë të paharruara në Theth!”, thuhet në njoftimin e organizatorëve.

Ky është edicioni i tretë i këtij festivali.