Në Merdar, për dalje pritjet janë deri në tri orë

Pritje të gjata ka pasur në kufirin e Merdarit, për të lëshuar vendin.

Qytetarët që po kalonin kufirin për të dalë nga Kosova janë përballur me mbi dy orë vonesa, edhe pse mbërritja e tyre në kufi ka qenë e hershme.

Sipas Qendrës për menaxhimin e pikave kufitare, pritjet në pikë kalimin në Merdar po zgjasin deri në tri orë, përcjell albinfo.ch.

Në këtë pikë, për të hyrë në Kosovë duhen një orë e tridhjetë minuta, kurse për të dalë duhen më shumë se dy orë.