Sport
Shqiptari nga Zvicra do ta përfaqësojë Kosovën në triatlon
Sami Morina ka vendosur të përfaqësojë Kosovën në sportin e triatlonit, të formuar vetëm muaj më parë në Kosovë, njofton Komiteti Olimpik i Kosovës.
Morina, që deri më tani ka marrë pjesë në gara të ndryshme në shtetin zviceran, tani e tutje do të përfaqësojë Kosovën në gara ndërkombëtare, përcjell albinfo.ch.
Federata e Triatlonit të Kosovës është formuar muaj më parë. Morina, i cili ndodhet në Kosovë, sot vizitoi Komitetin Olimpik të Kosovës, ku u prit nga presidenti Besim Hasani dhe nënpresidenti Gazmend Maxhuni.
“Presidenti Hasani përgëzoi Morinën për vendimin e marrë, duke i uruar suksese në garat ndërkombëtare.Vetë Morina u shpreh optimist që do të garojë për të fituar normën Olimpike Tokio 2020, për çka presidenti Hasani shprehu gatishmërinë për ta ndihmuar”, thuhet në njoftimin e KOK-ut.
Ndërkaq, Samiu është shprehur i nderuar nga ky takim.
“Ishte një nder për mua që të takoja Presidentin e Komitetit Olimpik te Kosovës Besim Hasanin dhe nënpresidentin Gazmend Maxhuni, tashmë Sekretar i Federatës së Triatlonit të Kosovës, të diskutoj për planet për të ardhmen e Triatlonit”, ka shkruar Morina në Facebook, përcjell albinfo.ch.
Triatloni është sport që përfshin tri diciplina: not, çiklizëm dhe vrapim.
Të ngjashme
Të tjera nga Sport
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse