Donatori misterioz dha 200 mijë euro për të sëmurët

Një donator misterioz ka shpërndarë që nga fillimi i vitit të paktën 200 000 euro në formë dhurate para kesh për disa institucione të ndryshme të rajonit të Brunswick në Gjermani.

Një institucioni ku kurohen persona të sëmurë rëndë iu dhurua të hënën 100 000 euro kesh, ose 200 kartmonedha me prerje 500 euro, sipas mediave lokale.

Paratë u gjetën në një zarf të dërguar në adresë të redaksisë së të përditshmes rajonale “Braunschweiger Zeitung” dhe ku citohej marrësi, të cilit i dhurohej shuma e parave, shkruan DPA, përcjell Albinfo.ch.

‘’Ne nuk jemi aspak në dijeni të identitetit të personit dhe nuk duam të kompromentojmë këto nisma të mira, duke u përpjekur për të ditur më shumë’’, shprehet Mache i “Braunschweiger Zeitung”.