Lajme
Për çdo vit rrugëve të Zvicrës u shtohen nga 50.000 vetura të reja
Megjithatë, numri i makinave të regjistruara rishtaz gjatë viteve të fundit ka qëndruar stabil ose ka pasur një rënie të lehtë
Gjatë vitit të kaluar nëpër rrugët e Zvicrës qarkullonin 4.85 milionë automjete udhëtarësh. Ndërsa për çdo vit trafikut rrugor i bashkohen edhe 50 mijë automjete të reja, thuhet në një komunikatë të analistëve të auto-i-dat, të mbështetur mbi statistikat e Astra (Zyra Federale e Rrugëve), shkruan sda.ch.
Nga ana tjetër, numri i makinave të regjistruara rishtaz gjatë viteve të fundit ka qëndruar stabil ose ka pasur një rënie të lehtë, transmeton albinfo.ch Kjo nënkupton që “parku” i automobilave në Zvicër po bëhet gjithnjë më i vjetër.
Për rënien në fjalë, gjatë vitit të fundit ka pasur ndikim shtesë fakti se për shkak të hyrjes në fuqi të procedurës së re për matjen e emetimit të gazrave (WLTP) te disa marka veturash ka pasur një mungesë furnizimi, thotë auto-i-dat.
Ndërkaq, shitja e veturave të vjetra (në okazion) është më stabile. Gjatë vitit të kaluar, në krahasim me vitin paraprak në Zvicër janë shitur 0.8% më pak makina të tilla.
Dinamika e këtij tregu dëshmohet edhe me faktin se mesatarja e kohëve të pritjes deri në shitje ka pasur një rënie. Aktualisht një makinë e përdorur qëndron në garazh mesatarisht 77 ditë para se të gjejë blerësin e saj, përcjell albinfo.ch. Sigurisht, koha e pritjes ndryshon sipas markave dhe modeleve të veturave. Kështu për shembull makinat si Dacia, Seat dhe Tesla janë më të kërkuara ndërsa Lada ose MG, më pak.
Sipas komunikatës, aktualisht 97.2% e të gjitha makinave vihen në lëvizje me motor benzine ose dizeli. Ndërkohë që makinat e reja me dizel, ato të sapodala nga fabrika, po humbin terren, makinat e përdorura, nga viti 2014 e tutje kanë shënuar një rritje të dukshme.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse