IKSHP apelon kosovarët: Mos i hani këto ushqime

Për shkak të temperaturave të larta, IKSHP apelon për kujdes

Pas lajmit se mbi 20 persona janë helmuar si pasojë e mishit të kontaminuar, Instituti Kombëtar i Shëndetësisë ka dalë me një komunikatë, ku kërkon që të shmangeni nga këto ushqime gjatë ditëve kur temperaturat janë shumë të larta.

Inistituti bën thirrje që ndër të tjera të shmanget konsumimi i mishit të papërpunuar hermetikisht, qumështit të pasterizuar apo të zier, vezëve të freskëta, majonezës etj., përcjell albinfo.ch.

Kjo është komunikata e plotë:

Qytetarë të nderuar! Jemi në sezonin e verës! Kujdes gjatë gatimit, ruajtjes dhe shpërndarjes së ushqimit! Këtë javë jemi ballafaquar me epideminë Salmonela në Gjilan.

Qytetarë të pafajshëm për shkak të konsumimit të ushqimit të kontaminuar kanë përfunduar në spitalin e Gjilanit, të cilët falë përkujdesjes së ekipit të mjekë e janë jashtë rrezikut për jetë.

Instituti Kombëtar i bën thirrje popullatës:

Kujdes i shtuar ku konsumohet ushqimi. Shmangia e konsumimit të mishit të papërpunuar termikisht. Shmangia e konsumimit të ushqimit që përmban vezë të freskëta, si majoneza, soset e ndryshme, etj. Konsumimi i qumështit të pasterizuar ose të zier.  Shmangia e konsumimit të djathit të freskët nga qumështi jo i pasterizuar ose zier. Frutat dhe perimet të lahen me ujë të bollshëm Nuk preferohet konsumimi i ushqimit që ka qëndruar jashtë frigoriferit për më shumë se 2 orë. Ruajtja e ushqimit të mbetur në frigorifer. Ushqimi i ngrirë, i cili është shkrirë duhet të konsumohet sa më shpejt ose të hidhet. Nuk duhet të ringrihet. Duart duhet të lahen dhe thahen: Para se të filloni të përgatisni ushqimin, pasi të prekni mishin e freskët, peshkun, vezët ose perimet, pas përdorimit të tualetit, pasi të pastroni hundën, pasi të prekni një kafshë, pasi të prekni ndonjë plagë apo prerje në trup. MOS HANI USHQIM KUDO! PAKUJDESIA SHKAKTON EPIDEMI ME RREZIK PËR JETËN E QYTETARËVE!

---