Anija merr flakë, dyshohet për dhjetëra të vdekur

Dhjetëra njerëz dyshohet se kanë humbur jetën nga flakët e anijes në bregun e Kalifornisë, në ishullin Santa Cruz.

Mediat amerikane raportojnë se të paktën 30 persona kanë humbur jetën, por që këtë shifër autoritetet nuk e kanë konfirmuar ende.

Sipas BBC-së, besohet se shumë prej pasagjerëve mund të kenë mbetur nën kuvertë, pasi ishte anije zhytëse.

“Është anije e madhe dhe e dimë se ka numër të madh viktimash. Nuk e kemi ende numrin specifik“, citohet të ketë thënë zëdhënësi i Venturas, Bill Nash, për CNN.

Pesë anëtarë ekuipazhi janë shpëtuar pasi ishin në kabinën kryesore, tha shefi i Gardës Bregdetare të SHBA-së, Aaron Bemis, për CNN.

“Daily Mail” raporton se anija rreth 22 metra e gjatë mori flakë pranë Platts Harbour në ishullin Santa Cruz në mes të natës, kur pasagjerët po flinin.

Ekipet e emergjencës morën një telefonatë për zjarrin rreth orës 3:30 të mëngjesit (sipas orës lokale).

Nuk dihet ende çfarë i ka shkaktuar flakët dhe ekipet po punojnë për të gjetur të gjithë personat që ishin në anije, shkruan sinjali, përcjell albinfo.ch.

#CoastInc: @VCFD responded to boat fire off the north side of Santa Cruz Island at approximately 3:28am. @USCG helping support rescue operations for people aboard a dive boat. #ChannelIslands @USCGLosAngeles @CountyVentura @SBCOUNTYFIRE pic.twitter.com/DwoPGfBjtA

— VCFD PIO (@VCFD_PIO) September 2, 2019

---