Kosova
SHBA-ja, pro heqjes së taksës dhe dialogut me Serbinë
Për këtë proces, kanë premtuar mbështetje Shtetet e Bashkuara të Amerikës
Qeverisë së re, e cila pritet të formohet pas zgjedhjeve të parakohshme që do të mbahen më 6 tetor, do t’i duhet të gjejë një zgjidhje për vazhdimin e dialogut mes Kosovës dhe Serbisë.
Për këtë proces, kanë premtuar mbështetje Shtetet e Bashkuara të Amerikës, raporton KTV.
Ambasadori amerikan në Beograd, Kyle Scott, ka thënë se çështja e Kosovës është një prej pengesave kryesore për raportet ndërmjet Washingtonit dhe Beogradit.
Scott ka thënë se nga Qeveria e ardhshme presin që të heqë taksën ndaj produkteve serbe në shërbim të progresit, në negociatat për të arritur një “kompromis të vështirë”.
“Shpresojmë që, pas zgjedhjeve në Kosovë, ne do të kthehemi shpejt në punë për të gjetur një zgjidhje afatgjate, që do t’i kontribuojë paqes në këtë rajon”, ka thënë Scott.
Kryeministri në dorëheqje, Ramush Haradinaj, ka ripërsëritur se taksa nuk do të hiqet pa njohjen e Kosovës nga Serbia.
Ish-deputetja Fitore Pacolli, tha se Lëvizja Vetëvendosje është pro reciprocitetit me Serbinë, ndonëse nuk tregoi se cilët do të jenë hapat që do të ndërmarrin karshi taksës, në rast se udhëheqin me ekzekutivin pas zgjedhjeve të tetorit.
Ndërsa, njohësit e procesit të dialogut thonë se Qeveria e re duhet të marrë përgjegjësitë që i takojnë lidhur me dialogun Kosovë-Serbi dhe ta trajtojë atë me seriozitet, raporton KTV, përcjell Albinfo.ch.
Sipas Jeta Krasniqit, nga Instituti Demokratik i Kosovës, i takon kryeministrit të ri që të shqyrtojë apo jo vendimin për taksën ndaj produkteve serbe.
Dialogu mes Kosovës dhe Serbisë është pezulluar për një kohë, për shkak të kushtëzimit të vazhdimit të tij nga ana e Serbisë me heqjen e taksës ndaj produkteve serbe.
Të ngjashme
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore