Lajme
Një nëpunës federal i kushton Zvicrës 160.500 franga në vit
Taksapaguesit zviceranë mesatarisht për një vit (në vitin 2020) do të paguajnë nga 160.500 franga për një nëpunës federal
Rritje e pagave, vende të reja pune dhe pagesa speciale… Buxheti i personelit të federatës vitin e ardhshëm do ta “shkelë” kufirin magjik prej 6 miliardë frangash, shkruan gazeta “Handelszeitung”.
Është hera e parë që për nëpunësit shtetërorë të nivelit federal shteti të paguajë mbi 6 miliardë.
Kjo shumë arrihet falë rritjeve të përgjithshme të pagave, pagesave të veçanta për ushtarakët e lartë dhe rojat e kufirit, të cilët pensionohen më vonë si dhe falë 267 vendeve të reja të punës në zyra, transmeton albinfo.ch. Në përgjithësi, buxheti i personelit në krahasim me vitin 2019 pritet të rritet për 3.1%.
Me fjalë tjera: taksapaguesit zviceranë mesatarisht për një vit do të paguajnë nga 160.500 franga për një nëpunës federal. Në këtë shumë përfshihet rroga mujore, kontributet e sigurimit social, pensionet ndërlidhëse dhe abonamentet hekurudhore. Këtyre pastaj u shtohen edhe shpenzimet për arsimim të mëtutjeshëm ose për përkujdesje të fëmijëve.
Sipas gazetës në fjalë, këtu nuk janë përfshirë shpenzimet për qiramarrje, mobilim, dekorime të shtëpive, për pc, telefona, lapsa ose letër për shtypës.
Siç tregon buxheti federal i vitit 2020, aparati burokratik vitin e ardhshëm do të ketë 37.631 vende pune me orar të plotë, që është numri më i madh deri tash. Kështu, nën ministrin e financave Ueli Mauerer numri i vendeve të punës në këtë kategori brenda 7 vjetësh e gjysmë është rritur për 7.5%, përcjell albinfo.ch. Në të njëjtën kohë shpenzimet për personelin janë shtuar për 10.5%, duke arritur në 6.039 miliardë franga
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Mbi katër mijë milionerë në Zvicër Këto ishin vite të majme për fituesit më të mëdhenj. Pagat e tyre janë rritur ndjeshëm,...
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike