Gjykata Federale hedh poshtë ankesën e Konsullatës Turke për fyerje të Erdoganit

Ankesën i takonte ta bëjë personi i dëmtuar, i cili në këtë rats është presidenti i Turqisë, Recep Tayip Erdogan, dhe jo Konsullata e Turqisë

Në maj të vitit 2017, demonstruesit e kishin shkruar me ngjyrë në disa vende në afërsi të Konsullatës së Turqisë në Cyrih parullën “Kill Erdogan” (Vrite Erdoganin). Me atë rast policia i kishte ndaluar përkohësisht tre persona të dyshuar por nuk i kishte mbajtur mëtutje pasi që, sipas Prokurorisë së Cyrihut, kishte tepër pak prova për një gjë të tillë, shkruan srf.ch.

Konsullata e Turqisë në Cyrih ka ushtruar një ankesë kundër këtij veprimi dhe ka kërkuar dënim për të dyshuarit.

Tash më shumë se dy vite më vonë, Gjykata Federale si shkalla më e lartë dhe e fundit e gjyqësisë së Zvicrës ka hedhur poshtë ankesën, transmeton albinfo.ch. Ajo ka vendosur që të mos ketë proces të sërishëm lidhur me rastin. Sipas saj madje Konsullata e Turqisë nuk ka pasur fare të drejtë të ushtrojë një ankesë të tillë.

Ankesën i takonte ta bëjë personi i dëmtuar, i cili në këtë rats është presidenti i Turqisë, Recep Tayip Erdogan.

---