Tematike
Zvicër: Shteti këshillon qytetarët të vaksinohen kundër gripit
Gjatë Ditës Kombëtare t e vaksinimit kundër gripit (8 nëntor) të interesuarit mund të vaksinohen edhe spontanisht me një çmim paushall prej 30 frangash
Të gjithë ata të cilët gjatë dimrit që po vjen nuk duan të përfundojnë në shtrat si të sëmurë, duhet të bëjnë vaksinimin kundër gripit. Ky është një rekomandim që Zyra Federale për Shëndetësi (BAG) ua drejton qytetarëve të Zvicrës në një komunikatë për media, shkruan albinfo.ch.
Dita Kombëtare e Vaksinimit në Zvicër është 8 nëntori.
Sipas BAG, personat me sëmundje kronike, gratë shtatzëna, të porsalindurit dhe personat në moshën mbi 65 vjeçare por edhe familjarët e të gjitha këtyre kategorive si dhe personeli mjekësor dhe ndihmës ashtu si dhe të punësuarit në çerdhet e fëmijëve, duhet të vaksinohen.
Gripi ndonëse pesha e tij nënçmohet, jo gjithmonë është sëmundje e lehtë.
Në dimrin e kaluar, mjekët kanë regjistruar 210.000 vizita mjekësore të lidhura vetëm me gripin. Pastaj gripi mund të sjellë ndërlikime të tilla që e bëjnë të domosdoshëm qëndrimin në spital ndërsa në raste mund të çojë edhe në vdekje.
Edicioni i 16-të i Ditës Kombëtare të vaksinimit kundër gripit shënohet më 8 nëntor 2019, shkruan albinfo.ch. Kjo ditë aksioni është një iniciativë e përbashkët mes Kollegium für Hausarztmedizin (Kolegjiumi për mjekësinë familjare) Lidhjes së Mjekëve të Zvicrës (FMH) dhe Lidhjes së Farmacistëve të Zvicrës (pharmasisse).
Gjatë ditës në fjalë, (8 nëntor) personat e interesuar kanë mundësi që të vaksinohen edhe spontanisht me një çmim paushall prej 30 frangash.
Të ngjashme
Opinione tjera
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Numri i punëtorëve ndërkufitarë në Zvicër është rritur Në fund të marsit, në Zvicër ishin rreth 400,000 mbajtës të lejeve G të punësuar –...
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?