Uncategorized
Festivali ndërkombëtar “Othello” fillon sot deri më 8 nëntor në Gostivar
Në Qendrën e kulturës “KAÇKM”, në Gostivar prej 3 deri 8 nëntor do të mbahet Festivali ndërkombëtar i teatrit “Othello”. Në hapje të këtij Festivali do të publikohet shfaqja “Jashtë bie borë”, nga Teatri i Tetovës, në regji të Qëndrim Rijanit, e cila është jashtë garës konkurruese. Gjatë këtij festivali gjithsej do të prezantohen gjashtë shfaqe.
Shoqata për kulturë “Othello”, e cila është organizatore e Festivalit, e paralajmëroi programin dhe i prezantoi pjesëmarrësit e edicionit të sivjetshëm.
“Këtë vit arritëm të sigurojmë pjesëmarrje të më shumë teatrove nga Ballkani, me çka publikut të teatrit do t’i mundësojmë t’i përcjellin shfaqet në më shumë gjuhë dhe zhanre. Zgjedhjen e bëri seleksionuesi Qëndrim Rijani, dhe si organizatorë vlerësojmë se Festivali është ngritur në nivel më të lartë, duke e pasur parasysh faktin se në realizimin e shfaqeve janë angazhuar mbi 140 punonjës të teatrit”, tha Berat Saliu, producent i festivalit.
Në kuadër të Festivalit, i cili do të përfundojë me 8 nëntor, për çdo natë do të prezantohet nga një shfaqje.
Adhuruesit e lojës së teatrit nga e hëna deri të premten do të mund t’i shohin shfaqet: “Aj Karmella”, të teatrit ushtarak SAPTPT, në regji të Robert Raponjas, vijon shfaqa “Krimi i shekullit 21”, të Teatrit popullor “Jordan Haxhi Konstantino –Xhinot”, nga Velesi në regji të Vlladimir Millçinit, vazhdon shfaqja “Pesë periudhat e armikut të popullit”, të Qendrës multimediale nga Prishtina, në regji të Blerta Neziraj. Ndërkohë, do të prezantohen edhe shfaqet “Lindja e Barbarës”, të Teatrit popullor nga Bursa e Turqisë, në regji të Eçe Okaj dhe shfaqja “Shirli Valentina”, të Teatrit Aleksandar Mojsiu, nga Durrësi, në regji të Driada Dervishi, shkruan kultplus, përcjell albinfo.ch
Juria e festivalit do të ndajë katër çmime: shfaqja më e mirë, regjisori më i mirë, si dhe aktorja dhe aktori më i mirë, të cilët do të marrin mirënjohje edhe shpërblime në të holla. Festivali, financiarisht është i mbështetur nga Ministria e Kulturës, Telekomi, si dhe nga Komuna e Gostivarit dhe ajo e Vrapçishtes.
Të gjitha shfaqet nisin nga ora 19, ndërsa në natën e fundit me 8 nëntor do të ndahen edhe shpërblimet për më të suksesshmit.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen