19 shkon numri i viktimave nga tërmeti në Shqipëri

KeystoneEPA/VALDRIN XHEMAJ

Tërmeti me përmasa apokaliptike ka shënuar viktimën e 20 në këto orë të pasdites. Mësohet se nga rrënojat janë nxjerrë pajetë një grua dhe një djalë ndërsa nuk bëhet ende me dije identiteti i tyre.

Shënohet viktima e 19-të nga termeti i fuqishëm që goditi Shqipërinë në orët e para të mëngjesit të sotëm. Nuk bëhen ende me dije detaje për identitetin e tij.

Është nxjerrë pak minuta më parë, një nga trupat e mbetur në rrënojat e hotelit Tropikal pranë Shkëmbit të Kavajës në Durrës.

Sipas raportimeve më të fundit bëhet fjalë për një 29 vjeçar nga Kosova që kishte prenotuar në hotel.

Ndërkohë që janë të paktën edhe 10-15 persona që janë në rrënojat e hotelit.

Ora 16.45- Rëndohet edhe më tej bilanci tragjik i tërmetit apokaliptik i ndodhur në orët e para të mëngjesit të sotëm. Mësohet se një fëmijë është nxjerrë i vdekur nga pallati i rrëzuar tek lagja 18 në Durrës.

Deri tani mësohet se bilanci i viktimave shkon në 18 persona.