Planifikonin të martoheshin, janë ende nën rrënoja

Çifti i ri planifikonte të martohej këtë verë

Rrëqethëse është edhe historia në familjen Cara në Thumanë, pasi nga 9 pjesëtarë, vetëm dy prej tyre kanë arritur të mbijetojnë.

Katër prej tyre janë ende nën rrënoja, mes të cilëve edhe Stela me Almirin.

Almir Cara është vetëm 29 vjeç. Ai me të fejuarën e tij Diastela Steneci, 25 vjeçe, aktualisht ndodhen nën rrënojat e një pallati të shkatërruar në Thumanë.

Çifti i ri planifikonte të martohej këtë verë.

Ndonëse familjarët e tyre shpresojnë ende që të rinjtë të nxirren gjallë, sa më shumë koha kalon, aq edhe më i vështirë duket ky mision.

“Sipas konfirmimeve të autoriteteve greke që po kërkojnë në mënyrë më të specializuar, nuk ka shenja jete”, tha gazetari Spartak Koka në ‘Opinion’, përcjell Albinfo.ch.

---