Një tjetër shtet dhuron 500 mijë euro për të prekurit nga tërmeti

Kabineti i Ministrave i Azerbajxhanit ka lëshuar një urdhër “Për shpërndarjen e burimeve Ministrisë së Punëve të Jashtme të Republikës së Azerbajxhanit me qëllim ofrimin e ndihmës humanitare për njerëzit që kanë vuajtur nga fatkeqësia natyrore që ndodhi në Republikën e Shqipërisë”.

Ministria e Punëve të Jashtme e Republikës së Azerbajxhanit ka ndarë paratë nga Fondi Rezervë, për të ndihmuar vendin tonë për t’u rimëkëmbur pas tërmetit të fortë 6.4 ballë, që tronditi vendin më 26 nëntor, shkruajnë mediat vendore.

Po ashtu, mediat azerbajxhanase raportojnë se nga tërmeti në Shqipëri kanë ndërruar jetë së paku 50 persona. Dyshohet se ende ka persona nën rrënoja, kurse kërkimet për ta po vazhdojnë.