Lajme
Pse disa prindër zviceranë duan t’i shkollojnë fëmijët në shtëpi?
Në kohën kur në Zvicër po zhvillohet debat për lejimin ose ndalimin e shkollimit të fëmijëve nga shtëpia, cilat janë arsyet që disa prindër zviceranë po duan të mos i dërgojnë fëmijët fare në shkollë?
Vendimi i një gjykate federale se në Zvicër nuk ekziston e drejta kushtetuese për shkollimin e fëmijëve në shtëpi, pas një ankese të dorëzuar nga një nënë që donte ta shkollonte djalin e saj të talentuar në shtëpi në Basel, ka nxitur diskutime dhe reagime të ndryshme.
Shumë njerëz pyesin pse këta prindër nuk duan t’i dërgojnë fëmijët e tyre në shkollat e Zvicrës, kur sistemi arsimor i këtij shteti cilësohet në përgjithësi si njëri ndër më të mirët në Evropë?
26 kantonet e Zvicrës kanë kompetenca për çështjet e arsimit dhe kanë politika të ndryshme për lejimin e shkollimit të fëmijëve në shtëpi. Për këtë arsye, kjo nënë e dërgoi rastin në gjykatë, pasi Basel-i ka rregulla më të ashpra kur bëhet fjalë për shkollimin në shtëpi.
Sipas një ankete të realizuar nga gazeta “Tages-Anzeiger”, në Zvicër janë më shumë se dy mijë fëmijë që shkollohen vetëm në shtëpi, ndërsa ky numër është duke u rritur. Në pesë vjetët e fundit, kjo shifër është dyfishuar ose trefishuar në pesë rajonet më të mëdha.
Njëra ndër arsyet pse prindërit duan t’i shkollojnë fëmijët në shtëpi, sipas Willi Villiger-it, kryetar i Shoqatës Zvicerane për Shkollim në Shtëpi, është rritja e fëmijëve sipas idealeve familjare. Këta prindër frikësohen se fëmijët e tyre mund ta humbin ndjenjën e kënaqësisë së të nxënit në shkollë.
Villiger-i i përmend edhe dy grupe të tjera të prindërve. Në grupin e parë janë prindërit që nuk janë të kënaqur me cilësinë e shkollave lokale, ndërsa në grupin e dytë bëjnë pjesë prindërit që kanë fëmijë me probleme shëndetësore dhe psikologjike.
Arsye të tjera për përdorimin e këtij lloji të shkollimit janë dëshira për t’i mësuar fëmijët në një mjedis dygjuhësor, ndjenja e kënaqësisë që e kanë prindërit kur i mësojnë fëmijët e vet dhe plotësimi më i mirë i nevojave dhe dëshirave të fëmijëve, shkruan “Swissinfo”, transmeton GE, përcjell albinfo.ch.
Të ngjashme
Të tjera nga Lajme
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim