Shqipëria
Rreth 300 persona të vendosur në Prizren janë kthyer në Shqipëri
Pas tëmetit shkatërrues më 26 nëntor, dy ditë më pas qyteti kufitar i Kosovës, Prizreni, ka pritur mbi 1 mijë e 300 persona që kërkuan strehim.
Por, këta persona po kthehen më shpejt se sa që e kishin paramenduar në vendin e tyre.
Në bazë të të dhënave nga kampi gjerman, përkatësisht në Parkun e Inovacionit dhe Trajnimeve (PIT), deri sot janë larguar gjithsej 174 persona. Aty ishin vendosur ditë më parë më shumë se 500 persona.
Ndërsa në sallën e gjimnazit “Gjon Buzuku”, e cila ishte bërë strehë e 120 personave, tani është bosh.
Të strehuarit në banime kolektive që kanë qenë nën përkujdesjen e Komunës, janë larguar gjithsej 294 persona.
Kështu kanë thënë nga zyra për Informim në Komunën e Prizrenit.
“Sa u përket pyetjeve të ngritura nga ana juaj, informata të sakta lidhur me largimin e personave të ardhur nga Shqipëria, mund të japim vetëm për ata që kanë qëndruar në banime kolektive nën përkujdesjen e Komunës së Prizrenit, përkatësisht në Parkun e Inovacionit dhe Trajnimeve (PIT) si dhe në sallën e gjimnazit “Gjon Buzuku”.
Nga PIT deri më tani janë larguar gjithsej 174 persona, derisa nga gjimnazi “Gjon Buzuku” janë larguar që të gjithë, të cilët kanë qenë të strehuar aty (120 persona)”, thuhet në përgjigjen e tyre.
Sipas regjistrit, më shumë se 150 persona janë të vendosur nëpër shtëpitë private të qytetarëve që kanë ofruar shtëpitë dhe banesat e tyre për strehim.
Nga Prizreni kanë thënë se largimi i të strehuarve është bërë vullnetarisht nga ana e tyre, ndërsa transporti është bërë në mënyrë të organizuar.
Ndërkaq, kanë shtuar se vazhdimi i këtij ritmi të kthimit të tyre, përveçse varet nga vullneti i tyre, varet edhe nga shtëpitë e tyre nëse janë në gjendje të banueshme.
“Pra, nga të strehuarit në banime kolektive që kanë qenë nën përkujdesjen e Komunës, janë larguar gjithsej 294 persona, dhe në këtë numër nuk janë të përfshirë edhe ata që kanë qenë të strehuar në shtëpi të ndryshme.
Ndërsa, kryeministri i Shqipërisë, Edi Rama, ka thënë se po planifikohet ndërtimi në Durrës i një lagjeje komplet të re, në Tiranë po bëhet një plan për ndërtimin e tri lagjeve, si dhe një lagje në Kurbin./
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Kantonet zvicerane me plane për të punësuar më shumë mësues të huaj Shumë pak mësues po trajnohen në Zvicër, me një mungesë të rëndësishme që pritet deri në...
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë