Lajme

Sveçla, pjesëmarrës i konferencës “Bashkëpunimi rajonal” në Tiranë

Zyra për informim e Lëvizjes Vetëvendosje ka konfirmuar për Gazetën Sinjali se Xhelal Sveçla është pjesëmarrës në konferencën “Bashkëpunimi rajonal”, nën organizimin e organizatës CIG, që po mbahet në Tiranë.

E shtunë, 7 Dhjetor 2019 - 21:55 albinfo.ch

Nga LVV thanë se nuk bëhet fjalë për takim mes Xhelal Sveçlës dhe drejtorin e të ashtuquajturës Zyra Serbe për Kosovën, Marko Gjuriq.

“Ky nuk është takim i Xhelal Sveçlës me Marko Gjuriqin, por është pjesëmarrje në konferencën ndërkombëtare, me të gjitha subjektet politike të rajonit, që po mbahet me temën “Bashkëpunimi Rajonal” nën organizimin e organizatës CIG. Në tryezë janë edhe shumë zyrtarë të tjerë të partive nga Kosova, përveç shumë subjekteve rajonale, e jo takim i përveçëm”, thuhet në përgjigjen e LVV-së për Gazetën Sinjali.

Pjesëmarres në këtë konferëncë është edhe Ardian Gjini i AAK-së dhe Arban Abrashi i LDK-së, ky i fundit pak më parë konfirmoi pjesëmarrjen e tij atje për Gazetën Sinjali, përcjell albinfo.ch.

 Të ngjashme

Alban Hyseni: Gjilani mirëpret dhe mbështet investimet nga diaspora

 Të tjera nga Lajme

Trafiku në Zvicër rritet me rritjen e kostove

 E-Diaspora

 Jeta në Zvicër