Spektrit politik iu shtua partia e re, Partia Demokratike e Diasporës

Iniciativa për themelimin e kësaj partie është berë me arsyen se mërgata shqiptare po anashkalohet tash e shumë kohë, e cila ka bërë shumë për Kosovën dhe kombin

Këtyre ditëve spektrit politikë të Kosovës, iu shtua edhe një parti e re Partia Demokratike e Diasporës.

Nismën për formimin e saj e ka marrë veprimtari i çështjes kombëtare, Emrush Qeku, kushëri i heroit të kombit, Sali Qekaj. Emrush Qeku ka dhënë kontribut të jashtëzakonshëm për lirinë dhe pavarësinë e Kosovës.

Ai ishte angazhuar qysh herët në veprimtaritë e ndryshme me karakter kombëtare. Ishte anëtar i LDK , dega në Gjermani. Ishte njeri nder organizatorët e Tre Përqindëshit, të kryeministrit në ekzil, Bujar Bukoshit. Ai jo vetëm që ndihmoi djemtë e luftës për liri, por u angazhua edhe në shumë aktivitete tjera kombëtare, në mbledhjen e ndihmave për Kosovën në kohën e luftës, për të strehuarit në Shqipëri e në shumë vende të tjera, edhe me mjete te veta , duke lënë keq edhe familjën e tij, madje duke mbetur edhe pa shtëpi në Kosovë, shkruan GE, përcjell albinfo.ch

Emrushi shprehet së këtë nismë e kishte marrë bashke me Fadil Islamin, Afrora Fushën dhe Valon Gajrakun, me arsyen madhore, se mërgata shqiptare po anashkalohet tash e shumë kohë, e cila ka bërë shumë për Kosovën dhe kombin.

---