Futboll
Konfirmohet. Amir Rrahmani nga java e ardhshme do të jetë lojtar i gjigantit italian
E konfirmon agjenti të ardhmen e Amir Rrahmanit

Është bërë e ditur se Amir Rrahmani nga java e ardhshme do të jetë lojtar i Napolit, transmeton albinfo.ch.
Këtë e ka konfirmuar menaxheri i tij Ardian Aliaj.
Një betejë e jashtëzakonshme për mbrojtësin e përfaqësueses kosovare, që nga fushat e Kosovës dhe Shqipërisë, brenda pak vitesh e gjen veten pjesë të futbollit të madh europian me një prej klubeve më të mëdhenj në Itali.
Për herë të parë arritjen zyrtare të marrëveshjes mes mbrojtësit të Veronës dhe Napolit e zbuloi menaxheri i tij, Ardian Aliaj, që në një intervistë ekskluzive për Sport News.
“Është vetëm ana teknike që ka mbetur për t’u mbyllur. Napoli e ndjek prej kohësh dhe le të themi se ishte proces tremujor që erdhëm deri këtu sot. Mendojmë ta finalizojmë zyrtarisht javën tjetër, por mund të them se Rrahmani është një lojtar i Napolit.”
Një marrëveshje e tëra shqiptare, me ish futbollistin e kombëtares, që i veshur tashmë me kostumin e menaxherit arrin të kryejë një prej lëvizjeve më të rëndësishme në tregun e merkatos së Serisë A, që për fushën e menaxhimit mund të jetë pak a shumë e krahasueshme me golin e shënuar prej tij në 2004-ën ndaj Greqisë.
Për Sport News Aliaj zbuloi dhe vështirësitë në arritjen e kësaj lëvizjeje dhe disa prej detajeve të kontratës.
“Të vish deri në këtë nivel që Napoli të hedhë sytë për ty, është kënaqësi për lojtarin dhe për mua si menaxher. Suksesin ndoshta nuk e prisnim kam shpejt, por është rrugë e vështirë. Rrahmani do të jetë zyrtarisht i Napolit nga janari, por do të vazhdojë në huazim te Verona deri në fund të sezonit. Kontrata është 5-vjeçare, lojtari është i kënaqur, kushtet janë optimale. Në të gjithë aspektet jemi të gjithë të kënaqur. Verona sidomos është e kënaqur që e bleu lojtarin 2 milionë euro dhe e shiti gati 15 milionë euro pas vetëm 3 muajsh”. /Albinfo.ch.
E-Diaspora
-
Konsullata e Kosovës në Shtutgart: Nuk ka informacione për viktima nga Kosova Pas aksidentit hekurudhor të ndodhur pranë qytetit Riedlingen në landin gjerman të Baden-Württemberg, ku një tren...
-
Veshalla e Tetovës mirëpret mërgimtarët në manifestimin tradicional “Votra jonë na bashkon”
-
Tragjedi në Ujman: Humb jetën mërgimtari 33 vjeçar pasi kërceu nga ura
-
Shqiptarët në Maqedoni të përjashtuar nga anketa zyrtare për diasporën
-
NZZ shkruan për ambasadorin e Kosovës në Bern, Mentor Latifin
Jeta në Zvicër
-
Miliona franga nga kamerat e shpejtësisë në Zvicër, siguri apo burim të ardhurash? Kamerat e shpejtësisë në Zvicër janë kthyer në burim të ardhurash miliona frangash për kantonet dhe...
-
Kamerat e shpejtësisë në Zvicër, nga kamuflimi me bar, te gjobat milionëshe
-
Zvicra nën reshje intensive, paralajmërime për përmbytje dhe rrëshqitje dheu në disa rajone
-
Zvicër: Atraksionet që mbartin më shumë sasi rreziku
-
Sondazhi: Ja çfarë e bën Zvicrën të veçantë