Mblidhet Kryesia e Kuvendit për seancën e jashtëzakonshme për taksën

Është bërë e ditur se Kryesia e Kuvendit të Kosovës sot do të mblidhet për të shqyrtuar kërkesën e deputetëve të opozitës për mbajtjen e një seance të jashtëzakonshme.

Thuhet se mbledhja do të mbahet në orën 14:00, për të vendosur lidhur me kërkesën e deputetëve të opozitës, pasi që AAK ka mbledhur 41 nënshkrime për seancë të jashtëzakonshme, pas paralajmërimeve të Qeverisë së Kosovës për heqjen e taksës ndaj mallrave serbe.

Opozita ka kërkuar që seanca e jashtëzakonshme të mbahet më së largu ditën e hënë.