Në Prishtinë hapet “Ekspozita Botërore e Fotografisë”

Në këtë garë pjesëmarrës ishin mbi 78 mijë fotografë nga 129 vende të ndryshme të botës

Në Galerinë Kombëtare të Kosovës në Prishtinë, sot (05.03.20), do të hapet ‘Ekspozita Botërore e Fotografisë’. Ekspozita në fjalë ka bërë gjiro nëpër qytete të ndryshme të botës, për tu ndalur në Kosovë për të shpalosur për publikun ngjarjet më interesante të vitit të kaluar (2019), të kapura nga fotografë të ndryshëm të cilët u shpallën fitues në garën vjetore ‘World Press Photo Contest’, që ishte mbajtur në Amsterdam, në Prill të vitit 2019, përcjell albinfo.ch.

Kjo ekspozitë është e organizuar nga Ambasada e Holandës në Prishtinë. Në të do të keni mundësi të shihni fotografitë fituese të vitit të kaluar dhe pjesëmarrës të tjerë në garën më të famshme të fotografisë në botë ‘World Press Photo’. Në këtë garë pjesëmarrës ishin mbi 78 mijë fotografë nga 129 vende të ndryshme të botës. Hyrja do të jetë pa pagesë, ndërsa ekspozita do të zgjasë 20 ditë, deri më 25 mars, 2020.

‘Ekspozita Botërore e Fotagrafisë’ do të jetë e hapur nga dita e martë deri të premten, nga ora 10:00 – 18:00, vikendeve do të jetë e hapur nga ora 10:00 – 17:00, ndërsa të hënave do të jetë e mbyllur për vizitorë.

---