Koronavirusi i merr jetën ish-presidentit të Real Madridit

President i Real Madridit përgjatë viteve1995-2000, Lorenco Sanz, ka ndërruar jetë prej koronavirusit.

76-vjeçari u shtrua në spital më 17 mars, pasi situata e tij u përkeqësua, por nuk mundi dot ta fitonte luftën me virusin.

Ishte i biri ai që e bëri publik lajmin për mbarë botën:

“Im atë ka ndërruar jetë. Nuk e meritonte të ikte në këtë mënyrë”, shkroi i biri, Lorenzo Sanz Duran.

Sanz lindi në Madrid, më 9 gusht 1943 dhe u fut në drejtimin e klubit madrilen në vitin 1985, ku vite më vonë mori edhe drejtimin e skuadrës si president, shkruan TCH, përcjell Albinfo.ch.