Spanja regjistron rënie të vdekjeve nga Covid-19

(AP Photo/Jessica Hill)

Spanja ka shënuar rënien e tretë të njëpasnjëshme ditore në numrin e njerëzve që vdesin nga COVID-19.

Në këtë vend u regjistruan 674 vdekje, treguan shifrat zyrtare.

Ministria e Shëndetësisë tha që numri, më i ulti në 10 ditët e fundit, e çoi totalin e vdekjeve në 12,418 që nga pandemia në Spanjë.

Numri i infeksioneve në këtë vend u rrit me 4.8 për qind, në 130,759.

Ndërkohë, presidenti iranian njoftoi se aktivitetet ekonomike “me rrezik të ulët” do të rifillojnë funksionimin nga 11 prilli në vendin e prekur më së shumti nga koronavirusi në Lindjen e Mesme.

Në SHBA, Presidenti Donald Trump ka paralajmëruar se ky vend po hyn në atë që mund të jetë java “më e ashpër”, pasi numri i rasteve të koronavirusit u rrit në 300,000.

Në nivel global, numri i vdekjeve tejkaloi shifrën 65,700 dhe numri i infeksioneve u rrit në mbi 1.2 milion, sipas të dhënave të përpiluara nga Universiteti Johns Hopkins, shkruan Klankosova, përcjell Albinfo.ch.