Gjermania këshillon të mos ketë udhëtime ndërkombëtare, të paktën deri më 14 qershor

Gjermania po këshillon kundër të gjitha udhëtimeve ndërkombëtare deri të paktën 14 qershor, njoftoi të mërkurën ministri i Jashtëm i vendit, Heiko Maas.

Maas u tha gazetarëve se Gjermania po bashkërendon me vendet e saj fqinje evropiane për paralajmërimin global të udhëtimit.

“Shpresojmë se nuk do të kemi nevojë për të zgjatur paralajmërimin e udhëtimit përtej 14 qershorit, megjithatë nuk mund ta marrim këtë vendim në këtë moment“, shtoi ai.

Ministri i Jashtëm tha se Gjermania kishte riatdhesuar 240,000 turistë nga e gjithë bota në katër javët e fundit, shkruajnë mediat ndërkombëtare, përcjell albinfo.ch.

Një vendim për udhëtimet shtëpiake – i kufizuar aktualisht në asgjë, përveç udhëtimeve thelbësore – do të shpallet më 6 maj.

 

---