Kosova
BE-ja ia ‘ndalon’ Thaçit të paraqitet me flamurin e Kosovës në samit
Shtetet pjesëmarrëse në samitin e Zagrebit që do të mbahet nesër, më 6 maj, do të paraqiten pa kurrfarë simbolesh shtetërore. Një vendim i tillë është marrë për shkak të pjesëmarrjes së Republikës së Kosovës në këtë samit.
Të gjithë liderët shtetërorë që do të marrin pjesë, përfshirë edhe presidentin Hashim Thaçi, në këtë samit që do të realizohet përmes një video-konference, do të paraqiten vetëm me emër dhe mbiemër, pa funksion dhe pa emrin e shtetit, shkruan REL në gjuhën serbe.
Kjo është konfirmuar nga zyrtarët evropianë të përfshirë në organizimin e samitit të BE-së për Ballkanin Perëndimor, që do të zhvillohet nesër, 6 maj, në kryeqytetin kroat.
Sipas burimeve të REL në Bruksel një vendim i tillë është parë i nevojshëm për t’u siguruar që do të marrin pjesë të gjithë ata që janë ftuar dhe për të respektuar qëndrimin neutral të BE-së për statusin e Kosovës.
Një vendim i tillë për të mos shfaqur kurrfarë simboli kombëtar apo shtetëror vjen pikërisht për shkak të pjesëmarrjes së Spanjes në samit, shtet i cili në vazhdimësi ka kundërshtuar pjesëmarrjen e barabartë të Kosovës në takime të nivelit të lartë.
Siç ka thënë për REL një zyrtar i lartë i BE-së për t’u mbajtur samiti duhet të respektohen rregullat e caktuara për shkak të ndjeshmërisë së sitautës.
Ai gjithashtu ka thënë se kanë marrë konfirmimin e të gjithë pjesëmarrësve të rajonit se në paraqitjen në video-konferencë do të përdorin një sfond të njëtrajtshëm pa simbole, të cilat do të vështirësonin konferencën.
Siç shkruan REL, Spanja në këtë Samit do të marrë pjesë meqë zhvillohet përmes një video-konference dhe meqë s’do të ketë as duarshtrëngime e as foto familjare.
Republika e Kosovës nesër në samit do të përfaqësohet nga presidenti Hashim Thaçi.
E-Diaspora
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër