Maqedoni: 36 raste të reja me COVID 19

13 persona janë shëruar dhe një ka ndërruar jetë.

Ministria e Shëndetësisë njofton se gjatë 24 orëve të fundit janë regjistruar edhe 36 raste të reja me COVID-19 në Maqedonin e Veriut, përcjell albinfo.ch.

Rastet e reja sipas qyteteve janë nga: Shkup (7), Kumanovë (4), Prilep (4), Tetovë (12), Veles (6), Gostivar (1), Pehçevë (1) dhe Berovë (1). Gjatë 24 orëve gjithsej janë realizuar 411 testime.

13 persona tashmë janë shëruar plotësisht, pas dy testeve të njëpasnjëshme.

Gjatë natës së kaluar ka ndërruar jetë një pacient në spitalin e Shkupit, pasi kishte kaluar disa ditë në aparatet për frymëmarrje artificiale. Pacienti ishte i moshës 58-vjeçare.

---