Koronavirusi: çast pas çasti
Nuk mundi ta vazhdojë pasaportën për shkak të koronës, kosovarja mund të gjobitet
Çifti është mërzitur shumë kur ka marrë një letër nga zyra e rrethit, e cila e kërcënonte me gjobë për shkak të pasaportës me afat të skaduar, të cilës nuk i ishte vazhduar vlefshmëria
Për shkakun se, si pasojë e krizës së koronavirusit, nuk mund të bënte me kohë zgjatjen e vlefshmërisë së pasaportës, një qytetare nga rrethi Fürstenfeldbruck, landi i Bavarisë, është kërcënuar me gjobitje nga zyra e rrethit, shkruan merkur.de.
Pasaporta e qytetares nga Kosova kishte skaduar. Përpjekjet e saj për ta zgjatur vlefshmërinë e pasaportës kishin dështuar sepse ambasada kosovare nuk punonte. Një e njohur që punon atje ka konfirmuar se zyra ishte e mbyllur, transmeton albinfo.ch. “Kjo vlen jo vetëm për Gjermaninë por kështu është në gjithë botën”, ka thënë ajo, duke iu referuar ambasadave kosovare në botë.
Çifti është mërzitur shumë kur ka marrë një letër nga zyra e rrethit, e cila e kërcënonte me gjobë për shkak të pasaportës me afat të skaduar, të cilës nuk i ishte vazhduar vlefshmëria. “Ajo që mungon këtu, është qasja më fleksibile ndaj rastit”, thotë burri i kosovares, përcjell albinfo.ch. Sigurisht, nuk është ndjenjë e mirë kur nuk keni pasaportë.
“Nga njëra anë, ligji në Kosovë është ndryshuar”, thotë ai. Dokumentet ekzistuese janë bërë të pavlefshme si rezultat i këtij ndryshimi dhe prandaj ato duhet të përtëriten. Edhe kjo është një arsye përse çifti nuk ka arritur të mbarojë punë tek autoritetet përgjegjëse.
Për më tepër, gruaja e tij i përket grupit të rrezikuar nga koronavirusi dhe aktualisht nuk mund të merret vetë me kërkimin e dokumenteve.
Në zyrën e rrethit aktualisht nuk ka asnjë informacion në lidhje me faktin se amabsadat janë të mbyllura, përcjell albinfo.ch. “Në disa raste, sigurisht mund të jetë e pamundur të shkosh në ambasadë personalisht”, thonë në departamentin juridik.
Sidoqoftë, autoritetet duhet të kenë qasje përmes telefonit, postës elektronike ose postës fizike. Në parim, nëse vendoset gjobë ose jo, është çështje e vendimit individual të zyrtarit, thotë Bausewein nga departamenti juridik, transmetomn albinfo.ch.
“Në thelb, mund të thuhet se i huaji nuk duhet të gjobitet në rethana normale nëse pasaporta ka skaduar në tre muajt e fundit”. Megjithatë, sipas zyrtarit në fjalë, nëse dëshmohet se personi i prekur nuk ka bërë përpjekjet e duhura për të zgjatur pasaportën, ai mund të gjobitet, përcjell albinfo.ch. Gjoba e zakonshme në këto raste është 1 euro për çdo ditë vonese. Në raste konkrete edhe kjo gjobë mund të reduktohet.
Të ngjashme
Të tjera nga Koronavirusi: çast pas çasti
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut