Lajme
Gastronomët kërkojnë që distanca mes tavolinave të ulet në një metër
Shefi i gastronomëve të Zvicrës po bën fushatë për zbutje të mëtutjeshme të masave, transmeton albinfo.ch. Në këtë kuadër, ai i propozon Këshillit Federal zvogëlimin e distancës minimale midis tavolinave
Restorantet në Zvicër janë të hapura prej tashmë afër dy javësh, ndonëse me kufizime. Por, shumë gastronomë dhe hotelierë ankohen për kriteret që duhen përmbushur për të punuar në kushtet e koronës.
Pikërisht rreth kësaj ka folur Casimir Platzer, president i Gastrosuisse, në emisionin “Tagesschau” të SRF.
Aktualisht, shefi i gastronomëve të Zvicrës po bën fushatë për zbutje të mëtutjeshme të masave, transmeton albinfo.ch. Në këtë kuadër, ai i propozon Këshillit Federal zvogëlimin e distancës minimale midis tavolinave.
“Në Austri ka një distancë metër. Në Zvicër ajo është dy metra”. Ai gjithashtu do të donte të shihte një zbutje më të madhe edhe të rregullave tjera: “E dyta, grupet e mysafirëve të kufizuara në katër persona përbëjnë një problem të madh për shumë ndërmarrje. E treta, ora e mbylljes, më së voni në mesnatë, është kufizim i madh”.
Por epidemiologu Christian Althaus e thotë pikërisht të kundërtën. Sipas tij, një zbutje më e madhe në hoteleri, do të ishte e parakohshme, përcjell albinfo.ch. “Nga pikëpamja epidemiologjike, sigurisht që është më e arsyeshme që të jemi akoma shumë të kujdesshëm dhe lehtësimet të bëhen ngadalë”.
“Tani kemi paketën e parë dhe duhet të presim e të shohim nëse është duke funksionuar mbajtja e ulët e numrit të infektimeve parandalimi i një rritjeje të mëtejshme”.
Industria e hotelierisë tani të gjitha shpresat i ka për ditën e mërkurë, transmeton albinfo.ch. Atë ditë, Këshilli Federal do të shpallë paketën tjetër lehtësuese të radhës.
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale