Lajme
Gjermania publikon listën e shteteve të rrezikuara nga koronavirusi
Gjermania ka publikuar një listë të vendeve që i konsideron 'zonat e rrezikut me koronavirus'. Mes tyre është Turqia dhe disa shtete amerikane.
Qeveria gjermane ka klasifikuar Turqinë, së bashku me 130 vende të tjera, si zona të rrezikut me koronavirus.
Lista, e cila u botua për herë të parë të hënën nga Instituti Robert Koch (RKI) dhe tani po përditësohet rregullisht, përfshin vende të tjera, si Egjipti, Tajlanda dhe Maroku, si dhe disa shtete amerikane, përfshirë Kaliforninë dhe New York-un, shkruan thelocal.de, përcjell albinfo.ch.
Kushdo që hyn në Gjermani nga një zonë e rrezikut, do të detyrohet të vetëkarantinohet për 14 ditë.
Të hënën, më 15 qershor, Gjermania hoqi paralajmërimin kundër udhëtimit turistik për vendet dhe shtetet e BE-së, duke e zëvendësuar atë me këshilla të hollësishme të udhëtimit.
Sidoqoftë, paralajmërimi i udhëtimit mbetet në fuqi për të ashtuquajturat vendet e treta jashtë BE-së deri në fund të gushtit. Do të thotë që njerëzit janë të dekurajuar të udhëtojnë në këto vende dhe ata duhet të kryejnë një karantinë të detyrueshme 14-ditore, nëse udhëtojnë për në Gjermani. Turqia, destinacioni i tretë i pushimeve për gjermanët pas Spanjës dhe Italisë, po bën presion që ky bllokim udhëtimi të hiqet. Ministri i Jashtëm turk, Mevlüt Çavusoglu, kohët e fundit shprehu zhgënjimin për bllokimin e udhëtimit në gjithë botën.
“Arsyet shkencore pas vendimit janë të vështira për t’u kuptuar”, i tha ai Der Spiegel. Gjithçka është e përgatitur për një udhëtim të sigurt në Turqi, shtoi ai.
Qeveria tha se po “rishikon vazhdimisht” listën e saj të zonave të rrezikut dhe u bëri thirrje njerëzve të kontrollojnë uebsajtin për përditësime, përcjell tutje albinfo.ch.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Kantoni i Cyrihut merr masa kundër antisemitizmit Sulmet antisemite në Zvicër dhe jashtë saj kanë alarmuar parlamentin kantonal të Cyrihut. Ai i bën...
-
Mbi katër mijë milionerë në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale