Prishtina, vatra më e rrezikuar nga COVID-19 në Kosovë

Prishtina ©Besim Mydyti

87 raste të reja pozitiv me koronavirus janë raportuar nga Instituti Kombëtar i Shëndetit Publik.

Kjo është një ditë tjetër, në të cilën vendi ynë përballet me raste të shumta të të infektuarve.

Edhe gjatë 24 orëve të fundit Prishtina vazhdon të jetë bindshëm zona më e prekur nga virusi COVID-19, pasi nga totali i 87 rasteve, 33 janë në kryqytet.

“Rastet pozitive janë nga: komuna e Prishtinës 33 raste, komuna e Prizrenit 7 raste, komuna e Podujevës 6 raste, komuna e Mitrovicës 6 raste, komuna e Lipjanit 4 raste, komuna e Suharekës 4 raste, komuna e Gjilanit 4 raste, komuna e Ferizajt 3 raste, komuna e Fushë Kosovës 3 raste, komuna e Mamushës 3 raste, komuna e Skenderajt 3 raste, komuna e Vushtrrisë 3 raste, komuna e Rahovecit 2 raste, Komuna e Drenasit 2 raste dhe me nga 1 rast komunat: Kaçanik, Malishevë, Viti dhe Pejë”, thuhet në njoftim.

Kryeministri i Kosovës, Avdullah Hoti, ka paralajmëruar rikthim të masave izoluese nëse nuk shtohet kujdesi.