Prishtinë: 444 raste aktive me koronavirus

(Photo by Miguel MEDINA / AFP)

Drejtori i Shëndetësisë në Komunën e Prishtinës, Bujar Gashi, ka treguqar se momentaliësht në kryeqytet janë 444 persona me koronavirus.

Gashi ka shkruar në Facebook se që nga 20 marsi, në Prishtinë janë konfirmuar 588 raste pozitive me COVID-19.

“Bazuar në të dhënat e marra nga IKSHP dhe raportin e konsoliduar nga Shtabi Emergjent në Prishtinë del se momentalisht, që nga data 20 mars deri sot kemi 588 raste me #covid19, prej të cilave 444 raste janë ende aktive. Kemi 141 raste të shëruara dhe 3 raste që kanë përfunduar me fatalitet”, ka shkruar Gashi.

Ai ka treguar se nga 588 persona të prekur me koronavirus, 293 janë të gjinisë femërore, ndërkaq 295 të gjinisë mashkullore.