Mbretëria e Bashkuar, fushatë informuese për qytetarët pas largimit nga BE

Ndryshimet e mundshme në sigurimin e udhëtimit dhe rregullat e pasaportave për pushuesit në Mbretërinë e Bashkuar pas Brexit, janë duke u theksuar në një seri reklamash që fillojnë këtë javë.

Mbretëria e Bashkuar më nuk do të jetë pjesë e BE-së.

Për tranzicionin që do të ndodh duke filluar nga 31 dhjetori, Qeveria Britanike  është duke bërë një fushatë me reklama këshilluese dhe informuese për qytetarët e saj.

Fushata e qeverisë e titulluar “Fillimi i ri: në Mbretërinë e Bashkuar: le të shkojmë” do të transmetohet në TV, radio, në internet, të shtypura dhe tabela.

Fushata do të përfshijë këshilla për britanikët në BE dhe qytetarët e BE që jetojnë në Mbretërinë e Bashkuar, si dhe bizneset në Mbretërinë e Bashkuar dhe BE, se si të përgatiten për përfundimin e periudhës së tranzicionit më 31 dhjetor.

Qeveria thotë se veprimet që njerëzit duhet të ndërmarrin pas 1 janarit 2021 do të ndryshojnë në varësi të rrethanave individuale, por reklamat do të përfshijnë tri gjëra thelbësore:

1. Britanikët që synojnë të udhëtojnë në Evropë duhet të sigurojnë që pasaportat e tyre janë të vlefshme për një periudhë specifike, ata kanë sigurim të plotë udhëtimi dhe kontrollojnë politikën e tyre të telefonit celular.
2. Britanikët që udhëtojnë për në Evropë nga Britania e Madhe me kafshët shtëpiake duhet që të ju bëjnë atyre një kontroll tek veteriner të paktën katër muaj para udhëtimit të tyre.
3. Bizneset që planifikojnë të eksportojnë ose importojnë në ose nga BE duhet të sigurojnë që ata të jenë regjistruar në autoritetin doganor përkatës.

 

---