Rritet numri i të infektuarve me COVID-19 në Gjermani

Keystone

Gjermania ka shënuar rritje të rasteve pozitive me koronavirus.

Instituti gjerman për sëmundje ngjitëse ka bërë të ditur se brenda 24 orëve janë shënuar 232 raste dhe dy persona kanë humbur jetën nga ky virus.

Me rastet e fundit, numri i viktimave në këtë shtet ka shkuar në 9,064, shkruan Reuters, përcjell albinfo.ch.

Përpos rasteve fatale, gjatë kësaj periudhe u shënuan edhe 232 infektime të reja dhe shifra e përgjithshme e të prekurve shkoi në 198,963. Një ditë më parë u shënuan 159 raste.

Gjermania, edhe pse ishte në mesin e shteteve me numër të lartë të infektuarve nga COVID-19, ka shënuar numër më të vogël të viktimave, krahasur me vendet e tjera, si Britania e Madhe, Franca, Italia e Spanja.

Kujtojmë se ky shtet pas hapjes së kufijve ka listuar Kosovën në vendet me rrezik të lartë të infektimit. Si rrjedhojë, kushdo që kthehet nga Kosova në Gjermani, detyrohet të karantinohet për dy javë.