Lajme
Vdes John Robert Lewis, mbështetësi i të drejtave civile për afrikano-amerikanët
John Robert Lewis, mbështetës i të drejtave civile për afrikano-amerikanët dhe ligjvënës për një kohë të gjatë, ka vdekur në moshën 80-vjeçare.
Kongresmeni veteran vdiq të premten pas një beteje njëvjeçare me kancerin e pankreasit.
John Lewis u shqua si drejtues i lëvizjes moderne të të drejtave civile të viteve ’50-’60.
Në moshën 23-vjeçare, ai bashkëpunoi ngushtë me Martin Luther King, Jr. dhe ishte i fundit i mbijetuar që mbajti një fjalim kryesor në Marshimin e Gushtit 1963 në Uashington, ku zoti King mbajti fjalimin e tij të famshëm “Unë kam një ëndërr”. Gjatë marshimit historik zoti Lewis i kujtoi Amerikës fuqinë e lëvizjes për të drejta civile, përcjell albinfo.ch.
“Me forcën e kërkesave tona, vendosmërinë tonë dhe numrat, do ta bashkojmë jugun e ndarë në një mijë copa në imazhin e Zotit e demokracisë. Duhet të themi: Zgjohu, Amerikë! Zgjohu! Sepse ne nuk mund të ndalemi dhe nuk mund të jemi dhe s’do të jemi të durueshëm”, tha zoti Lewis, përpara një turmë prej 250,000 vetash.
Për vdekjen e tij shkruan edhe shumë udhëheqës botërorë, duke e kujtuar si një njeri të jashtëzakonshëm.
Në një postim në Twitter presidenti Donald Trump shkruante se “lajmi i vdekjes së heroit të të drejtave civile ishte i trishtë”, duke shtuar se ai dhe Zonja e Parë Melania Trump luten për të dhe familjen e tij.
Ndërsa ish-Presidenti Barack Obama tha se “jeta e Johnit ishte e jashtëzakonshme në shumë mënyra”.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve