Lajme
Pse burrat ngurrojnë më shumë se gratë për ta vendosur maskën?
Organizata Botërore e Shëndetësisë ka rekomanduar që të bëhet e obligueshme vendosja e maskave në hapësira publike gjatë kësaj kohe ku e gjithë bota po ballafaqohet me pandeminë COVID-19.
Një hulumtim i fundit, i bërë nga Valerio Capraro nga Unviersiteti i Middlesex-it dhe matematikania kanadeze, Helene Barcelo nga Instituti Shkencor Matematikor në Berkeley, ka treguar se burrat po ngurrojnë më shumë se gratë për të vendosur maskën gjatë pandemisë. Gjithashtu po vdesin më shumë se sa gratë nga koronavirusi. Por, pse veprojnë ata kështu?
Nga hulumtimi, i cili përfshiu në sondazh rreth 2,500 persona në Shtetet e Bashkuara, zbuluan se burrat jo vetëm që ngurrojnë më shumë se gratë për të vendosur maskën, por gjithashtu mendojnë se vendosja e maskës është e turpshme, nuk është diçka që duket bukur dhe është shenjë e dobësisë.
“Burrat janë më pak të prirur që të vendosin maskë dhe një nga arsyet kryesore është që ata besojnë se relativisht nuk do të preken nga sëmundja”, tha Dr.Capraro, përcjell albinfo.ch.
Sipas saj, kjo është edhe arsyeja pse koronavirusi po prek më shumë burrat se gratë.
“Kjo është veçanërisht ironike, sepse statistikat zyrtare tregojnë se koronavirusi i prek burrat më seriozisht sesa gratë”, shtoi ai.
Sipas studimeve të tjera, është dëshmuar se burrat janë gjithashtu më të pakujdesshëm për pastrimin e duarve. Në bazë të një sondazhi, 65 për qind e grave dhe vetëm 52 për qind e burrave kanë thënë se i pastrojnë duart rregullisht.
Në Shtetet e Bashkuara, në këto sjellje si duket po ndikojnë edhe bindjet politike. Përkrahësit e Partisë Republikane dhe presidentit të tanishëm, Donald Trump, janë më pak të prirur të vendosin maska sesa përkrahësit e Partisë Demokratike, sipas disa sondazheve.
Të ngjashme
Të tjera nga Lajme
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Zvicër
-
Kamberi shënon, Zuerichu siguroi kualifikimet në Ligën e Konferencës Bëhet e ditur se dje Zuerichu siguroi kualifikimet në Ligën e Konferencës falë fitores 2:1 kundër...
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër