Lajme

Leart Paqarada kalon në një tjetër skuadër gjermane

E diel, 2 Gusht 2020 - 12:40 albinfo.ch
Photo: Facebook - Leart Paqarada

Leart Paqarada është bërë me skuadër disa javë pasi njoftoi largimin nga Sandhausen.

Megjithatë reprezentuesi kosovar ka mbetur edhe më tej pjesë e futbollit gjerman, pasi i është bashkuar skuadrës së famshme gjermane St Pauli.

25-vjeçari ka nënshkruar një kontratë trevjeçare me këtë skuadër, ku do të mbajë veshur fanellën deri më 30 qershor të vitit 2023.

Në edicionin e fundit në Bundesliga 2, Paqarada zhvilloi 32 ndeshje me Sandhausenin duke shënuar një gol e duke bërë pesë asistime.

Reprezentuesi kosovar llogaritet si njëri nga mbrojtësit më të mirë të majtë në kategorinë e dytë të futbollit gjerman.

Paqarada e filloi karrierën në Werder Bremen para se të kalonte te Bayer Leverkusen, ku luajti për të gjitha grupmoshat.

“Gjatë diskutimeve që patëm me ata që bisedova më dhanë besim dhe vlerësim shumë të madh”.

“St Pauli është një klub tradicional me tifozë të jashtëzakonshëm dhe ndeshjet në këtë stadium janë fantastike”.

“Unë jam i lumtur për këtë nënshkrim dhe gati për hapin e ri në karrierën time”, tha mbrojtësi kosovar në momentin e prezantimit.

 Të ngjashme

Bekim Zogaj, kur “pensionimi” vjen në kulmin e karrierës

 Të tjera nga Lajme

IKSHPK: 20 raste të konfirmuara me fruth në Kosovë, apel për vaksinim

 E-Diaspora

 Jeta në Zvicër