Të rinjtë në të gjithë botën po e përhapin koronavirusin

Zyrtarët shëndetësorë që luftojnë me pandeminë e koronavirusit po përballen me një problem të ri – sjelljen e të rinjve, të cilët injorojnë rregullat e distancës fizike dhe me ahengje masive përhapin infeksionin, shkruan albinfo.ch.

Kur autoritetet hoqën ndalimin e tubimeve pas muajve të karantinës, adoleshentët dhe ata pak më të vjetër se ata mbushnin kafenetë dhe klubet e natës. Dhe pas mbylljes së tyre, ata thjesht u zhvendosën në plazhe, parqe ose në rrugë, vende që u bënë vatër të reja të covid-19.

Pranë Manchesterit, mijëra të rinj mblidhen në mediat sociale në ahengje, dhe ahengje të paligjshme tekno mbahen rregullisht në Parkun Boua de Vincennes të Parisit.

“Argëtimi është thelbësor,” tha Antoine Calvin, një nga organizatorët e mitingjeve në Paris.

Alkooli rrjedh lirshëm atje, kjo është arsyeja pse shumë harrojnë rregullin e mbajtjes së maskës dhe mbajtjes së distancës fizike.

Policia përpiqet në mënyrë rutinore të ndaloj festa të tilla në natyrë, dhe ato të reja janë duke u organizuar vazhdimisht, duke rezultuar në një numër në rritje të infeksioneve koronavirus midis të rinjve në shumë vende.

Organizata Botërore e Shëndetit në mënyrë të përsëritur u ka bërë thirrje të rinjve që të jenë përgjegjës.

“Ndërsa nuk ka të ngjarë që të rinjtë të preken rëndë nga covid-19, ata ende mund të infektojnë anëtarët e familjeve të tyre,” tha Lothar Wheeler, drejtor i Institutit Gjerman për Shëndetin Publik.

Në Kanada, shumica e të infektuarve janë nën moshën 40 vjeç, kështu që autoritetet atje u kujtojnë të rinjve se edhe ata nuk janë të pathyeshëm në luftën kundër koronavirusit.

Në disa qytete bregdetare franceze, si Nice, ka pasur një rritje të numrit të të infektuarve midis të rinjve që argëtohen në klube.

Në dy javët e fundit, midis 40 dhe 50 për qind e rasteve të reja në Gjenevë kanë qenë të lidhura me njerëz që kanë vizituar klube të natës dhe vende të ngjashme, ku kërcejnë, puthen dhe përqafohen, tha epidemiologu Didier Pite. Autoritetet zvicerane iu përgjigjën duke mbyllur përsëri klubet e natës dhe baret ose duke shkurtuar orarin e tyre të punës.

Autoritetet në Madrid kanë xhiruar një reklamë duke provuar të bindin të rinjtë se koronavirusi me të vërtetë ekziston dhe është shumë serioz.

Videoja fillon me një video të një grupi të rinjsh që pinin birrë në një bar, e më pas vallëzonin në klubet e natës. Skena tjetër tregon një pacient në një respirator që përfundon në një krematorium. Mesazhi në fund të videos lexon: “Këtu është shumë më nxehtë sesa nën maskë”.

Disa ekspertë besojnë se të rinjtë duhet të lejohen të bëhen rezistent ndaj virusit.

“Do të ishte ideale që kushdo nën moshën 30 vjeç të zhvillojë imunitet natyror, dhe që ne të jemi në gjendje t’i mbrojmë të gjithë mbi moshën 50 vjeç, derisa vaksina të jetë e disponueshme”, tha infektologu francez Eric Comé.

---