Lajme

Rekord, 274 raste të reja të infeksioneve me koronavirus në Zvicër

Të martën ishin 187 raste, të hënën 105, të dielën 152 dhe të shtunën 182

E mërkurë, 12 Gusht 2020 - 13:45 albinfo.ch
(KEYSTONE/Laurent Gillieron)

Në Zvicër dhe Lihtenshtajn janë raportuar 274 infeksione të reja që janë konfirmuar me virusin korona, raporton të mërkuren Zyra Federale e Shëndetit Publik (BAG). Të martën ishin 187 raste, të hënën 105, të dielën 152 dhe të shtunën 182.

Bëhet fjalë për numrin më të madh të të infektuarve që nga prilli. Të kujtojmë: rreth dy javë më parë numri i infeksioneve brenda një dite kishte arritur dhe kaluar dy herë 200-shin, transmeton albinfo.ch.

Ndërsa pastaj ka pasur një rënie relative të shifrave, deri sot, kur kemi një numër ndjeshëm mëtë madh se ai i kohëve të fundit.

Gjithsej 12 hospitalizime  u raportuan në Zyren Federale e Shëndetit Publik (FOPH), si dhe një vdekje në lidhje me një infeksion të konfirmuar. Numri i testeve të kryera është 7560.

Për më tepër, Zyra Federale raporton numrin e njerëzve që janë futur në karantinë të mërkurën . Aktualisht, gjithsej 1331 persona janë në izolim, dhe 4446 kontakte janë në karantinë.

Numri i njerëzve shtesë që janë futur në karantinë pas hyrjes në Zvicër nga një zonë rreziku është 18.244.

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër