Bashkatdhetarët ndihmojnë Kosovën përmes investimeve

Komuna e Istogut ka njoftuar se në atë qytet është duke pasur investime të reja, ku kësaj here Ukë Blakaj që jeton në Gjermani është investuesi.

Në njoftim thuhet se kryetari i kësaj komune, Haki Rugova, ka nënshkruar kontratë për dhënien në shfrytëzim afatgjatë  në pronën e paluajshme të komunës.

Ky është njoftimi i plotë:

Investime të reja në Istog

Kryetari i Komunës, Haki Rugova, me qëllim të zhvillimit ekonomik, sot ka nënshkruar kontratën me investitorin “ WOLF METAL” SHPK për dhënien në shfrytëzim afatgjatë (30 vjet) pronën e paluajtshme të komunës me negocim, në Zonën Kadastrale në Sinajë.

Investitori aktivitet kryesor do të ketë parafabrikimin e mureve të shtëpive nga druri, me prodhime të gatshme për tregun vendor dhe atë ndërkombëtar. Nga ky investim do të gjenerohen vende të reja të punës në komunën e Istogut.