Thaçi ndan edhe Medalje Presidenciale të Meritave për O’Brien dhe Grenell

(KEYSTONE/Cyril Zingaro)

Presidenti i Kosovës, Hashim Thaçi, ka ndarë Medaljen Presidenciale të Meritave për këshilltarin amerikan për Siguri Kombëtare, Robert O’Brien, si dhe emisarit special për dialogun, Richard Grenell.

Kjo është bërë e ditur në letrën të cilën Presidenti Hashim Thaçi i ka drejtuar homologut të tij të shtetit më të fuqishëm në botë, Donald Trump, njofton Klan Kosova.

”Në shenjë mirënjohjeje për përpjekjet e tyre, po ashtu kam ndarë Medaljen Presidenciale të Meritave për z. O’Brien dhe z. Grenell, për meritat e tyre të veçanta në arritjen e marrëveshjes historike mes Kosovës dhe Serbisë, të nënshkruar në Washington.

Në emër të popullit të Kosovës kam kënaqësinë t’ju ftoj që ta vizitoni Kosovën dhe të bindeni për progresin që ju e keni bërë të mundur. Do të ishte nder i madh t’ju mirëpres dhe t’ju prezantoj popullin më proamerikan në botë”.