Koronavirusi: çast pas çasti
Bie numri i të vdekurve, mjekët po fitojnë përvojë ndaj virusit
Në gjysmën e parë të Marsit, norma e vdekshmërisë për pacientët e shtruar në spital ishte 23%. Në Qershor, kishte rënë në 8%
Covid-19 vazhdon të shkaktojë vdekjen e rreth 1,000 amerikanëve në ditë, por shanset e mbijetesës janë rritur tek personat e sëmurur rëndë, ndërkohë që mjekët po fitojnë eksperiencë dhe kujdesi mjekësor po përparon.
Që kur rasti i parë mbërriti në SHBA në nisje të vitit, mjekët kanë bërë përparime duke kuptuar se cilat barna funksionojnë, përfshirë steroidet, holluesit e gjakut dhe antivirali remdesivir.
Shpërndarja e burimeve të mjekimit intensiv është përmirësuar dhe mjekët kanë mësuar se si të shtyjnë përdorimin e ventilatorëve për disa pacientë, ndryshe nga sëmundjet e tjera të frymëmarrjes.
Andrew Badley, kreu i task forcës për Covid tek “Mayo Clinic”, tha se përmirësimi i taktikave mjekësore dhe trajtimi i hershëm po ndihmon në rezultatet e pacientëve shumë të sëmurë.
Sipas tij, gatishmëria e kujdesit shëndetësorë është shumë më e mirë se në Mars. “Kemi akses më të shpejtë tek diagnoza, kemi më shumë njohuri mbi barnat që përdoren dhe më shumë trajtime eksperimentale në disponueshmëri, ç’ka kanë ulur normën e vdekshmërisë”, tha ai, transmeton Scan.
Një studim vëzhgoi 4,689 raste m Covid-19 të shtruar në spital nga Marsi në Qershor në New York, duke përshtatur normën e vdekshmërisë ndaj faktorëve si mosha, raca, obeziteti dhe sëmundjet shoqëruese, përcjell albinfo.ch.
Në gjysmën e parë të Marsit, norma e vdekshmërisë për pacientët e shtruar në spital ishte 23%. Në Qershor, kishte rënë në 8%. Megjithatë, numri i vdekjeve në Shtetet e Bashkuara ka kaluar 200,000 dhe dhjetëra mijëra amerikanë konfirmohen të infektuar çdo ditë.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse