Evropa regjistron 100,000 raste ditore me koronavirus për herë të parë

(AP Photo/Luca Bruno)

Evropa tejkaloi 100,000 raste me COVID-19 për herë të parë të enjten, pasi vende të tilla, si Rusia dhe Mbretëria e Bashkuar, nuk patën ulje në numrin e infeksioneve çdo ditë në pesë ditët e fundit.

Rastet në gjithë Evropën janë rritur në mënyrë të vazhdueshme gjatë javës së kaluar edhe kur infeksionet e reja në vendet më të prekura, si India dhe Brazili, kanë treguar shenja të ngadalësimit.

Epiqendra e shpërthimit në rajonin evropian është zhvendosur në Mbretërinë e Bashkuar, Rusi, Spanjë dhe Francë, të cilat kanë raportuar të paktën mbi 10,000 raste secila në tre ditët e fundit.

Rusia raportoi rastet e saj më të larta ditore të koronavirusit që nga rekordi i fundit në maj të premten, duke bërë që autoritetet e Moskës të mendojnë për mbylljen e bareve dhe klubeve të natës.

Mbretëria e Bashkuar regjistroi më shumë se 17,000 raste të enjten.

Shumë pjesë të Anglisë veriore, Uellsit dhe Skocisë, kanë futur kufizime më të ashpra në ndërveprimin shoqëror në përpjekje për të frenuar përhapjen e koronavirusit.

Të enjten, kur rastet e raportuara ditore shkelnin 100,000, Evropa Lindore ishte rajoni më i prekur me mbi 33,600 raste të raportuara ditore. Midis 10 vendeve në rajon, duke përfshirë Ukrainën, Rusinë dhe Republikën Çeke, tetë raportuan rritje rekord në raste gjatë javës së kaluar, shkruan “Reuters”, përcjell albinfo.ch.