Koronavirusi: çast pas çasti
Pendohet Suedia, fillon me ashpërsimin e masave
Suedia ka regjistruar gjithsej 166,700 raste dhe mbi 6,000 të vdekur që nga fillimi i pandemisë
E shumëdiskutuar si vendi që doli kundra rrymës duke mos vendosur karantinën ndaj koronavirusit, Suedia ka marrë së fundi disa masa kufizuese, të rralla për këtë vend.
Kështu janë ndaluar eventet publike që përfshijnë ndeshjet sportive si dhe grumbullimet e më shumë se tetë personave në një vend. Restorantet dhe baret do të qëndrojnë të hapura, por nga ora 10 e mbrëmjes nuk do të servirin më alkool, e në përgjithësi, do të kenë një kapacitet më të kufizuar. Qytetarët, duket se i mbështesin masa të tilla.
‘Mendoj se masat e reja janë të domosdoshme, sepse virusi po përhapet gjithandej. Them se duhet të mbajmë të gjithë distancë’- tha Gloria Ohrwall.
‘Për mua, këto masa janë një gjë e mirë. Po sëmuren shumë njerëz dhe duhet të mendojmë edhe për sistemin shëndetësor, me çfarë barre e çfarë pune përballet ai. Krahasuar me atë, sakrifica që kërkohet nga ne është e vogël’- tha Elena Osokina.
‘Mua këto kufizime nuk më prekin shumë dhe nuk jam kundër. Problemi është për periudhën afatgjatë, se nëse zgjasin në kohë, atëherë nuk do të mund të shkojmë ne vende si kinematë apo teatrot’- tha Lars Raxell.
Infektimet e reja dhe shtrimet në spital janë shtuar në mbarë vendin, duke i shtyrë autoritetet suedeze të ndryshojnë kursin e ndjekur deri më tani gjatë pandemisë, transmeton TCH, përcjell albinfo.ch.
Vala e dytë e sëmundjes nuk e ka kursyer as këtë shtet, ashtu si pjesën tjetër të Evropës. Suedia ka regjistruar gjithsej 166,700 raste dhe mbi 6,000 të vdekur që nga fillimi i pandemisë.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve