VV dhe AAK i dorëzojnë ankesat në Gjykatën Suprem për moscertifikim

Në një njoftim të fundit, Lëvizja Vetëvendosje dhe Aleanca për Ardhmërinë e Kosovës (AAK) sot do të dorëzojnë ankesa në Gjykatën Supreme ndaj vendimit të Panelit Zgjedhor për Ankesa e Parashtesa (PZAP) për moscertifikimin e disa kandidatëve për deputetë, të cilët kanë probleme me ligjin, përcjell albinfo.ch.

Thuhet se Lëvizja Vetëvendosje dorëzon ankesën në Gjykatë Supreme ndaj vendimit të PZAP-it në orën 11:00, ndërsa Aleanca për Ardhmërinë e Kosovës e dorëzon në ora 14:00.

Nga ana tjetër, PZAP nëpërmjet një vendimit që publikoi të martën ka vërtetuar vendimin e Komisionit Qendror të Zgjedhjeve (KQZ) për moscertifikimin e pesë kandidatëve për deputetë të Lëvizjes Vetëvendosje. Nga radhët e Vetëvendosjes nuk u certifikua Albin Kurti, Albulena Haxhiu, Liburn Aliu, Bajram Mavriqi dhe Labinotë Demi-Murtezi.

Edhe disa deputetëve të Aleancës për Ardhmërinë e Kosovës nuk iu është lejuar kandidimi për deputetë në zgjedhjet e 14 shkurtit.

Ndaj këtij vendimi pati reagime nga subjektet politike, të cilave nuk iu certifikuan kandidatët për deputetë.

Sipas ligjit, të gjitha palët që nuk janë të kënaqura me vendimet e PZAP-it mund t’i drejtohen Gjykatës Supreme. Palët brenda 24 orëve mund të dorëzojnë ankesat në Supreme, dhe Gjykata më pas ka afat 72 orë që t’u përgjigjet ankesave të paraqitura. /Albinfo.ch