Lajme
Ekspozitë me fotografi nga Prekazi, filloi shënimi i 23-vjetorit të Epopesë së UÇK-së
Sot janë bërë 23 vjet nga rënia heroike e komandantit legjendar Adem Jashari, familjës së tij, dhe Jasharajve të tjerë.
E në nder të përvjetorit të 23-të, ashtu si çdo vit, më 4 mars ka filluar shënimi i Epopesë së Ushtrisë Çlirimtare të Kosovës. Këtë herë, hapja filloi me një ekspozitë me fotografi të shkrepura në Prekaz, nga fotografi Sefer Aliqkaj.
“Sot në 23-vjetorin e rënies së familjes Jashari, hap ekspozitën time personale me 15 fotografi, që janë të bëra ndër vite. Jam munduar të paraqes disa fotografi të bukura në momente të veçanta dhe në stinë të ndryshme”, tha fotografi Aliqkaj, në një intervistë për Albinfo.ch.
Për Sefer Aliqkaj, kjo nuk është hera e parë që po realizon një ekspozitë të tillë. Ai tha që kishte mbajtur edhe një ekspozitë të këtij lloji para disa vitesh.
“Kjo është ekspozita ime e 5-të personale, ndërsa ekspozita ime e dytë në Prekaz. E para në Prekaz ka qenë në vitin 2016, diçka e ngjashme, por kësaj radhe jam munduar të sjell disa fotografi më të veçanta. Pasioni im është të fotografoj vendin tim, dhe kur vizitorët të vijnë këtu të shohin këtë vend edhe në disa momente të veçanta, e stinë të ndryshme, që s’kanë mundur t’i shohin”, u shpreh ai për Albinfo.ch.
Në këtë hapje të ekspozitës, mori pjesë edhe kryetari i Skënderajt, Bekim Jashari, i cili e falënderoi fotografin Aliqkaj, për punën e tij në promovimin e vazhdueshëm të qytetit të Skënderajt përmes fotografisë.
“Fotografi i Sefer Aliqkaj, një djalosh i ri, i cili ka një profesion me shumë passion, me një sy vërtet magjik, që na bënë krenar me fotografitë, dhe momentet e caktuara që i zënë syri i tij”, tha kryetari i Skënderajt, Bekim Jashari.
Fotografi Aliqkaj merret me fotografi që nga viti 2013, ndërsa kjo ekspozitë e tij në Prekaz, do të jetë e hapur deri më 7 mars 2021, ku vizitorët do të kenë mundësi të shohin 15 fotografi të ndryshme.
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale