Kosova
Sot bëhet një vit që kur u rrëzua Qeveria Kurti
Sot mbushet një vit nga rënia e Qeverisë Kurti, pasi Kuvendi i Kosovës, me kërkesë të 44 deputetëve, me 82 vota për, 32 kundër dhe një abstenim, mbështeti mocionin e mosbesimit ndaj Qeverisë, të propozuar nga Grupi Parlamentar i LDK-së.
Lëvizja Vetëvendosje doli fituese e zgjedhjeve parlamentare të 6 tetorit 2019 dhe ajo arriti të bëjë koalicion qeverisës me Lidhjen Demokratike të Kosovës, e drejtuar nga Isa Mustafa.
Qeveria e re që nga fillimi pati probleme në funksionimin e mirëfilltë për shkak të fërkimeve ndërmjet partnerëve të koalicionit qeverisës, e cila arriti kulmin e saj pasi ministri i Punëve të Brendshme, Agim Veliu, nga radhët e LDK-së tha se numri i të prekurve me koronavirus po rritet nga sekonda në sekondë.
Kjo zgjoi reagimin e menjëhershëm të kryeministrit Albin Kurti, duke shkarkuar ministrin nga radhët e partnerit qeverisës, e cila shkaktoi pakënaqësi të shumta në radhët e partisë së Mustafës, e cila më vonë ngriti mocionin e mosbesimit që rezultoi me rënien e Kurtit pas vetëm 50 ditë punë.
Ndryshe, pas rënies së Qeverisë Kurti u votua qeveria e re në krye me Avdullah Hotin nga radhët e LDK-së, e cila gjithashtu nuk pati jetë të gjatë, pas aktgjykimit të Kushtetueses se zgjedhja e saj ishte bërë në mënyrë jolegjitime dhe kështu vendi shkoi serish në zgjedhje të reja.
Ndërkohë që një vit pas, sërish lideri i Vetëvendosjes, Albin Kurti, erdhi në krye të Qeverisë së Kosovës, kjo pas rezultatit të zgjedhjeve të parakohshme parlamentare që u mbajtën më 14 shkurt të 2021-ës, ku VV doli partia më e votuar.
Të ngjashme
Të tjera nga Kosova
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Zvicër
-
Zvicra fiton Eurovision 2024 Edicioni i ardhshëm i Eurovision do të mbahet në Zvicër...
-
Gjithçka që duhet të dini për kulturën e pishinave të jashtme të Zvicrës
-
Bien paratë nga qielli në Cyrih: Droni lëshon 24,000 franga
-
Janë refuzuar shumica e pretendimeve për para nga sigurimet shëndetësore gjatë COVID-19 në Zvicër
-
Vdes zëvendëskancelari i Zvicrës, André Simonazzi