Lajme
Nga sot, me rregulla të reja për kontrollimin e parave në BE
Fillimisht përkufizimi i “parave të gatshme” sipas rregullave të reja do të zgjerohet për të përfshirë monedha ari dhe sende të tjera të arta
Rregullat e reja për kontrollimin e parave dhe sendeve me vlerë që hyjnë dhe dalin nga Bashkimi Evropian do të hyjnë në fuqi sot, me të gjithë udhëtarët që hyjnë ose dalin nga territori i BE-së duhet të plotësojnë një deklaratë parash kur mbajnë 10 mijë euro ose më shumë në monedha ose ekuivalente në monedha të tjera, si dhe në mjete të tjera pagese të tilla si çeqe udhëtarësh ose kambial.
Komisioni Evropian deklaron se rregulli i ri është pjesë e përpjekjeve të BE në luftën kundër pastrimit të parave dhe burimeve të financimit të terrorizmit.
Nga sot, ndryshime të shumta do të zbatohen në BE, të cilat do të forcojnë më tej rregullat dhe do ta bëjnë edhe më të vështirë lëvizjen e sasive të mëdha të parave të “pazbuluara”.
Së pari, përkufizimi i “parave të gatshme” sipas rregullave të reja do të zgjerohet për të përfshirë monedha ari dhe sende të tjera të arta, transmeton Kosovapress, përcjell albinfo.ch.
Së dyti, autoritetet doganore do të jenë në gjendje të veprojnë në shuma më pak se 10 mijë euro, kur ka indikacione se paraja e gatshme ka të bëjë me veprimtari kriminale.
Më në fund, autoritetet doganore tani mund të kërkojnë që të bëhet një deklaratë kur vërejnë se para prej 10 mijë euro ose më shumë po dërgohen të pashoqëruara me postë, mallra ose ndërlidhës.
Rregullat e reja do të sigurojnë që autoritetet kompetente dhe njësia kombëtare e inteligjencës financiare në secilin shtet anëtar kanë informacionin e nevojshëm për të monitoruar dhe zgjidhur lëvizjen e parave që mund të përdoren për të financuar veprimtari të paligjshme.
Të ngjashme
Të tjera nga Lajme
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën