“Varianti Delta i koronavirusit do të dominojë Evropën deri në fund të gushtit”

(KEYSTONE/Ti-Press/Alessandro Crinari)

Tipi i variantit të koronavirusit Delta, i cili është shumë ngjitës, pritet të përfaqësojë 90% të rasteve të reja me Covid-19 në Bashkimin Europian deri në fund të gushtit, thotë Qendra për Kontrollin dhe Parandalimin e Sëmundjeve, duke i bërë thirrje qytetarëve për vigjilencë.

“Ka shumë të ngjarë që varianti Delta të jetë gjerësisht i pranishëm gjatë verës, veçanërisht midis të rinjve që nuk përbëjnë prioritet për tu vaksinuar,” paralajmëroi Andrea Amon, drejtori i Shërbimit Evropian të Sëmundjeve.

Megjithëse varianti Alpha, i zbuluar fillimisht në Mbretërinë e Bashkuar, aktualisht mbetet dominues në rajon, modelimi i të dhënave të agjencisë parashikon që varianti Delta , i zbuluar fillimisht në Indi, do të përbëjë 70% të infeksioneve të reja në BE deri në fillim të Gushtit dhe 90% deri në fund të gushtit, theksoi qendra.

Për tu mbrojtur nga shfaqja e variantit, i cili është 40 deri 60% më i transmetueshëm se Alpha sipas shërbimit shëndetësor, CDC po bën thirrje për përshpejtimin e vaksinimeve. Në laborator ose në jetën reale, studimet konvergojnë në një moment: marrja e një doze të vetme të vaksinës siguron mbrojtje të kufizuar kundër variantit Delta. Deri më tani, pothuajse 30% e njerëzve mbi moshën 80 vjeç dhe pothuajse 40% e njerëzve mbi moshën 60 vjeç në Bashkimin Evropian nuk janë vaksinuar plotësisht plotësisht, sipas CDC, e cila përfshin 27 vendet e BE dhe Norvegjinë dhe Lihtenshtajni.

“Në këtë fazë, bëhet thelbësore që doza e dytë e vaksinës të jepet në intervalin minimal të lejuar pas dozës së parë, në mënyrë që të përshpejtohet shkalla e mbrojtjes së njerëzve në nevojë”, tha Andrea Amon.

CDC gjithashtu u bën thirrje vendeve që të mos jenë të vetëkënaqur për lehtësimin e masave shëndetësore për të luftuar virusin.

Sipas skenarëve të shërbimit shëndetësor, “çdo relaksim gjatë verës i masave jo-farmaceutike të vendosura në Bashkimin Evropian dhe Zonën Ekonomike Evropiane në fillim të Qershorit mund të çojë në një rritje të shpejtë dhe të ndjeshme të numrit të rasteve ditore në të grupmoshat.”.

Kjo rritje mund të çojë në një rritje të shtrimeve në spital dhe vdekjeve “të cilat mund të arrijnë të njëjtat nivele si në vjeshtën e vitit 2020 nëse nuk merren masa shtesë”, paralajmëron CDC.